28 二月, 2006 20:01
頭先見到個幾特別0既website,
係suggest 你學咩野language 好0既...
不過想知道之前, 我諗要學0左英文先~:p
嘻~ 睇0下下面呢個results先啦~
Japanese | 73% | ||
Spanish | 67% | ||
Latin | 67% | ||
Chinese | 53% | ||
French | 40% | ||
Arabic | 40% | ||
English | 33% |
What language should you learn?
created with QuizFarm.com
27 二月, 2006 23:34
尋日終於簽0左contract...
終於有人請了... 無乜experience 想轉工真係難...
都係奉勸未開始搵自己第一份長工0既人真係揀清揀楚先好做
做完覺得唔0岩就煩...
今日某人無啦啦5點就話走得
超... 成日講到好忙想死咁...
之後同0左佢去又一城... 我發覺同佢買衫係買唔到0既
完全係兩個世界0既人... 我其實好唔鍾意b+ab D衫... 很MK
我寧願比MK 價買好了...
同埋我依家奉行緊唔係ON SALE 衫不會買 (除非唔買會死XD)
所以又係無收獲... 後天返工大檸了... 咁凍都唔知著咩野衫...
去到MK meet 0左gavin 佢地
嘩~ 得8個人0下! XD 又話好多人0既~
另... 發覺以前好平0個間金龍閣執0左, 之後去0左食韓燒~~~
哈哈~ 勁開心呀~
坐落傾0左好奈好多野~
原來好多人去0左同一間公司做呀0下~
阿neth 就勁啦~ full time job, full time student XD
仲有原來個個都想轉工呀~~
不過唔想跑數啦~ 其實我覺得做finance 工真係幾高人工同幾pro 0既...
雖然我又無咁0既天份~
哈哈~真係好開心... 下次再去玩呀!
* 原來gavin 炒D菇又炒得幾正0既
**有D人對淫講淫話, 對鬼講鬼話囉...
不過有0個句就聽0個句啦...
24 二月, 2006 23:01
今朝又比人打電話黎嘈醒0左...
依家實在太懶了... 日日都成11點幾先起身~
我即刻急急忙咁扮哂好精神咁0既聲聽電話
(因為以前lai 過野喇:p 我打住呵欠, 點知係interviewer 打黎XD)
呀~~ 真係呀~ 之前in 0既工
問返我D濕碎野之後就話星期一confrim 係唔係請我
點知到下晝就打0左黎了~~~ ^o^
好啦~~ 星期一要去簽contract 了~~ 希望無乜意外啦:p
個offering 比之前0個個都幾好. 人工唔係高0架喇
叫做夠錢食飯坐車又有個錢剩囉
搵緊工/想轉工0既朋友要繼續加油喇~~
我支持你地! ><
今日LUNCH 出0左去同Draco, 丸丸同老公食
很好笑... 0個間野都叫幾平0架woh~
0個度地方好得意, 好似以前細個住0個D 「弱智型」(其實叫日字型, 都怪我成日難音) 0既公屋咁... 估唔到香港竟然仲有d咁0既地方!
不過D野有味精?? 成日都好口乾
行LOG-ON 想買野比老公, 睇唔0岩
自己0係GIGA-SPORTS睇唔0岩野 (點解太古會少款過新都城呢?)
所以都係返屋企了, 無收獲T^T
好啦... 過幾日又開始過返D冗員生活喇...
唔知新公司會點呢(0個度好多仔仔:P)
上次見到坐HR 姐姐後面0個個仔仔個樣好傻
幾得意:P
好啦~ 都係去到先知真係點
希望今次0個兩個阿姐係好人啦!
24 二月, 2006 15:37
睇到丫丫0個度有個咁0既野~
實在太抵死了~ 忍不住要填
隨便列出你認識的二十位朋友︰
(((排明不分先後，諗到邊個就打邊個)))
1. Karol 2. 大佬 3. 丫丫 4. Jaz 5. lily
6. 公一 7. 丸丸 8. 哩哩 9. 明仔 10. Gavin
11. 紗南 12. 淫健 13. celi 14. 阿bowl 15. 阿瀚
16. 老將 17. Kenny 18. 基拉 19. 蘭子 20. draco
1.[8號同邊個拍緊拖？] … 8號要加油喔! 你係一個好人!
2.[9號係男仔定係女仔？] 仔仔
3.[如果16號同12號一齊，會唔會好正？] 很刺激!XD
4.[18號同5號呢？] 更加刺激!!! 仲好有娛樂性!
5.[17號讀緊乜？] 社大
6.[你同12號最後一次傾計係幾時？] 好奈囉~ 上次打邊邊囉
7.[6號最鍾意邊隊 band？] 佢只愛maid 姐姐
8.[1號有冇兄弟姐妹？] 一個細佬
9.[你會唔會溝3號？] 唔喇~ 我唔拆散人地一對好夫妻XD
10.[咁7號呢？] 都好~ 不過我唔係靚仔… 都無行0架喇XD
11.[16號係咪獨身？] 唉…唔好提喇 / ___
12.[15號姓乜？] 韓
13.[10號叫乜名？] 麥哲倫XD
14.[4號最鍾意做乜？] 鳩hea… XDD
15.[13號吸引嗎？] … 嗯…
16.[14號同19號會夾嗎？] 夾!
17.[20號讀緊邊間學校？] 都係社大啦
18.[隨便講 d 11號既野俾我知？] 佢係台灣幸福少奶奶~
19.[1號呢？] 泰國人… XD
20.[3號呢？] 幸福小婦人XD
21.[你試過對15號有 feel 嗎？] 有~很怨念XD 做仆直0個陣諗緊點解佢可以咁hea都咁高分XD
22.[9號住邊？] 鴨利洲
23.[4號最鍾意乜色？] 黑色掛…
24.[5號同6號係咪好朋友？] 唔只好朋友咁簡單XD
25.[7號鍾意20號嗎？] 唔會掛…
26.[8號同19號呢？] 唔好玩啦~XD 笑死了XD
27.[你點識2號？] 第一次漫人墟識0既~ 都識0左就黎10年喇woh
28.[10號有冇寵物？] 好似無0架…
29.[17號係咪有史以黎最性感既人？] 唔知性唔性感, 但直覺會係一個靚女!
30.[5號的人會用名牌嗎？] 電腦電話野咪名牌囉XD
31.[覺得12號既人小氣嗎？] 唔覺
32.[20號最大既優點？] 傻0既XD
33.[1號最大既缺點] 個人好鬼直XD
34.[同6號出街會做D乜？] 吹水囉XD
35.[試過同19號吵大鑊未？] 無woh
36.[8號係咪好既男/女朋友？] 我諗都會幾好0架~ 起碼唔係用男仔有無錢黎度鍾唔鍾意一個人啦
37.[如果你可以同17號既人一齊做一樣野，你會做乜？] 踩車掛… XD 好多野都做過喇wohXD
38.[咁3號呢？] 周街睇靚仔~
39.[你同14號既共同嗜好係？] 以阿邊個作為吹水話題XD
40.[12號有無請過你食飯？去邊度食？] 佢無請過… 一齊食就以前成日都會
41.[用你一樣野同11號交換一樣野，你想交換D乜？] 我會用馬騮(雀)黎換呆呆(貓)XD
42.[係咪成日同9號講電話/sms/msn？] 少woh… 佢都唔開msn
43.[平均同2號幾耐見一次？] 一兩星期一次啦~
44.[你同15號係咪同學/舊同學？] 係woh
45.[覺得4號係個堅持己見既人嗎？] 佢好有己見0架!
46.[8號同13號，你會揀邊個做你男/女朋友？] 兩個都係女woh… 點揀?XD
47.[見過20號既爸爸未？] 未~
48.[咁見過5號既媽媽未？] 見過~
49.[有無同18號既兄弟姊妹傾計/做friend？] 無呀~
50.[如果你要請16號食飯，你會帶佢去食乜野？] 大排檔~ 係佢個style XD
51.[7號住香港、九龍定新界？] 香港
52.[10號生日果陣你會送乜野俾佢？] 無送開woh… 送D囡囡相集比佢掛XD
53.[14號既人係咪無記性？] 唔覺
54.[2號既人係咪電視精？] 應該唔係XD
55.[有無試過同9號既人鍾意左同一個男仔/女仔？] 有~~ 我好鍾意佢老婆0架XD
56.[1號既髮型？] 長直頭髮~
57.[同18號幾時識(要答年份)？] 嘩~ 死喇… 唔記得… = =
58.[想同17號講既說話] 乖乖地聽老婆話喇~XD
59.[想同4號講既說話] 生性D啦… 廿幾歲人喇… XD
60.[假設12號幫左你一個好大既忙，你會點報答佢？] 請佢食飯啦!
61.[如果你聽日會死，有乜野事你要3號幫你做既？] 日後有人問我去0左邊, 佢幫我答「我去0左死」就得喇XD
62.[以100分為滿分，你同8號既默契有幾多分？] 我諗都有200 XD
63.[20號有無做過一件事令你覺得好嬲？] 無woh XD
64.[有無試過著15號既衫？] 無… 唔洗喇~ 我唔會著佢0既衫~ 伯伯衫黎0既XD
65.[7號係理性既人嗎？] 我諗係0既
66.[從6號身上學識左乜野？] 做人開心就得喇~ 洗哂D錢去買ACG精品都無緊要~ XD
23 二月, 2006 10:56
佢地個個都有寫~~
我咁無聊梗係寫埋一份啦!XD
1我的全名：識我0既都知0架喇
2別人怎麼叫我：豬豬, Sandy, 侏儒仔 (我好唔鍾意呢個名…= =)
3我目前的狀態：好飽…
4寫這份問卷調查的日期：2006年2月23日
5身高： 160cm
6體重： 我的BMI 是20 :P
7血型： 唔知…
8星座： 天秤… 不過我唔係和平0既使者XD
9身分證上的性別： F
10用啥交通工具移動：嘰嘰…XD (此嘰不同彼嘰)
11打工次數：二… 依家0係屋企做見習經理…
12打洞次數： 0. 實在是一件恐怖的事!
13熱愛的唱片： 無乜…
14８點檔？：中文黎0架? 唔明0既…
15熱愛的書： 畫冊~ 咩野畫冊都鍾意~ 不過近來好想買《可不可以不用上班》
16熱愛的電影：好多… The Terminal 都幾好~
17曾經很迷的：高大靚仔哥哥
18最近很得意：見到個個要返工, 但係我可以訓到11點幾先起身:p
19戀愛次數：2?
20不得意的科目：PE… 一上就想死…
21上手科目：無乜~ 我上唔上到手在乎教0個個幾有料…
22硬要買一個名牌：Burberry… 情迷格仔…
23未成年的心情：我要入大公司有作為
24成年的心情：日日想中六十彩唔洗做XD
25加倍加的口味：加倍加係乜? 我唔識台灣話XD
26我的手機門號： 我只記得係Nokia 的 XD
27菸的牌子： 唔食… 我其實聞到D煙會想嘔0既…
28玩的線上遊戲：逃出廁所遊戲… 玩0左一半放棄了XD
29喜歡的數字：7?
30喜歡的顏色： 米黃, 青綠
31麥當勞必吃：少吃… 又肥又熱氣…
32住最遠的朋友：我D朋友住邊都唔記得囉…
33吃不吃回頭草：我是好豬… 不吃的
34對吃回頭草的看法：很瘀的… 所以不吃!
35對排隊買Mr.Dounts的看法：好食0架? 點解要排?
36對奇摩交友的看法：很多怪人= =
37對留學的看法：好玩‧新奇‧刺激!
38對健康的看法：係人都想健健康康0架啦… 香港有幾多人做到先?
39對休學的看法：depends
40捷運的看法：係唔係好似地鐵咁0架?
41對速食者的看法： 成日都食0架woh
42人家說你長的像：向海嵐= =
43口頭禪：頂你!
44有康熙來了對生活的影響：咩野黎?
45腳皮怎麼處理：腳唔係一定有皮0架咩*_*
46想給忘不了前男/女友的人一句中肯的話：無忘不了woh…
47睡覺前通常在幹麻：刷牙
48起床第一件事情：睜大眼… 之後訓返…
49上一本看的書：歌劇魅影小說
50愛人的名字：很多~~ 講唔哂XD
51要化身為卡通人物想成為：小丸子~ 日日都見到好多好有娛樂性0既同學XD
52今年紅包進帳總額： $1xxx 囉… 我唔似得D人有成3XXX 都話自己少利是0既…
53討厭女生type：又姣又多是非0個D
54討厭男生type：成日都以為自己好醒, 但係其實幾係豬0個D
55每個月的手機費：$80
56大便時會一邊幹嘛：小睡…
57覺得最有效的減肥方法：運動同唔食野… 不過如果想留返命仔就唔好兩樣同時進行XD
58激突時怎麼辦：無試過
59作弊被抓怎麼辦：次次作都無比人捉到:p
60最愛吃的台菜：菜飯係唔係0架?XD
61夏天最愛穿啥：小背心牛褲
62大概幾天拉一次屎：1天
63十年後我在幹麻：點知呀… 今日唔知聽日事
64寵物會取什麼名字：depends on 0個隻動物0既行為…
65兒子名字要取：咁快就要諗個仔叫咩名呀? 很大壓力XD
66樂透一直簽不中的感想：下次再黎過!
67最想去的國家：馬爾代夫… 希望0係陸沉之前去到一次
68為何大家肯花大錢買muji：我覺得幾靚0架woh
69夜市必吃：魚肉燒賣
70國中時的印象：普通啦… ~_~
71下次刺青想刺哪：不想刺… 繼穿耳之後0既又一恐怖野
72看過最噁爛的生物：蝸牛~ 簡直同bio hazard D zombie無異!
73養過最噁爛的生物：咁恐怖就唔養啦~ on居居0既
74整型最想整哪裡：胸XD
75總分一百分，台語流利度是：-100分
76小時後的夢想：讀engine, 之後可以整嘰械人 XD
77目前為止最欣賞的屌人：無乜屌人woh… 傻人就大把XD
78吃咖哩的辣度：極小
79最花俏一件內褲：豬豬底底XD
80臉怎麼保養：敷MASK, 得閒唧0下D粒粒
81請推薦一個罵人最好用的詞：食屎啦你
82msn帳號：唔係唔知嘛…
83生肖：豬
84目前為止，經歷過名字最瞎的人：咩野叫名字最瞎?
85朋友死不還錢怎麼辦：死都要佢還囉~ 我發窮惡很在行的
86大概多久看一本書：好睇0既一星期內一次KO
87最近很失意的事：肥0左=口=
88失眠時怎麼解決：唔訓囉
89髮色：黑… 依家想整藍色highlight….= =
90上一次生日蛋糕的蠟燭是幾歲：好奈囉… 真係唔記得
91所有頻道裡最愛哪一台：有好睇野就睇0個台0架woh
92最後悔的事：細時不努力, 大時就乞食
93早餐通常吃什麼：包包
94下輩子想當男還是女：無所謂
95曠課通知單最多的數字：我走咁多次都無收到XD
96在東區跌倒時怎麼辦：扮無野… 繼續行
97失戀該怎麼辦：唔知道… 死捉住D朋友掛…
98寫完這份問卷的感想：很多台灣話…
99最不希望誰看到這份問卷：無呀~
100最後的話：3個字~ 中頭獎‧發大達
20 二月, 2006 14:54
我想講樣好慘0既野比大家聽...
牙肉發炎真係一件好慘0既事...
其實都腫0左幾日0架喇. 不過尋日完全係忍無可忍
牙肉0個度係咁爆D膿出黎, 今朝起身成口都係...
好恐怖
不過大家唔洗叫我睇E生喇.
因為我以前試過係唔得0既, 只不過係會令我面部粒粒數量增加:P
仲要比成百幾蚊... 無medical insurance 真係唔係好掂
要快D搵到份有0既工先得... ><
今朝訓到差不多12點
起身仲係好唔舒服, 有d病... 都係尋晚衰
訓覺唔記得飲傷風熱飲
我覺得呢隻野幾好, 唔會胃痛:P
突然覺得好慘...
很頹廢... 想病又病唔出咁
囧...
我唔想再有人落井下石...
人唔到黑仔都唔會知邊D係好人, 邊D係變態仔
*原來病0既日子特別想有人陪...
上星期去interview 0個陣見到D公仔好可愛~~
好想要呀... 但係又無乜用...
都係唔好買了~ 睇0下好喇...
你地睇0下幾咁可愛:P
15 二月, 2006 21:20
今朝一早起身連阿囡都無餵就掛住打嘰同睇四葉妹妹
太正了~~ 不過如果比我對住個咁騎呢0既細路一定很想爆粗...
之後就出0左去interview...
嗯... 無啦啦今個星期咁多interview... 很怪...
有D仲要係成個月之前send 0既信都仲搵我
分明請唔到人啦...
下晝同老公食~ 嗚... 很貴嗎...
點解一食pizza hut 就個個都唔出現0架=口=
明明都係同仙跡岩差不多價錢嘛><
本人粉傷心
返到去hea 到4點幾就整古古力了....
但係... 失敗了 =口=
很苦的味道... 依家仲要成屋企都有陣古古力味...
明明好比心機整喇...
下次都係唔好用明火整熱D古古力喇... 我覺得用叮叮整會比較0岩我
依家D古古力仲要雪唔實...
很傷心... 一定無人食喇...
早知就咁比0左兩排古古力老公算喇
等我仲買0左個靚靚packing...
睇黎無用喇...
唔知點解我總係唔識整野食... 唉...
15 二月, 2006 00:30
今年情人節竟然要去interview... 很OTZ...
個interviewer 仲成個傻傻0下0既人咁...
0下... account manager? 唔係呀化....
不過之前份工D姐姐仔都係manager 啦... 嗯...
之後去0左一年一度的goods春茗+靚女們生日會~
嘻~ 勁抵呀今年... D野食唔哂... 仲好飽:p
靚女/仔記得下年要帶個partner 一齊黎:p
仲有公一就得米啦~~~ 睇見佢個樣呢... XDDDDDDDDDDDD
唔開心0既野就唔好記住喇~
情人節無人陪, 仲有一大班朋友0架嘛
另... 老公扮醉的技巧粉差~
我下次扮一次啦!:p
今日買0左古古力, 不過仲未整呀... 諗住15號整0架嘛
點知... 朝早又要出去interview woh...
算~ 見0左工先算~
老公話要儲$ 買屋仔woh... 明明我屋企有間房又有得食
又話0係我度住好核突=3=
嗯~~ 果然無「老公聽話」的揮春係差一點兒...
仲有莉莉呢... 你真係咁大個人唔該就細心D啦~
提少佢一陣又出事了... (係我0既錯... 掛住訓覺無叫佢搵返人XD)
唔知依家佢個獲搞成點...
11 二月, 2006 23:24
真係好奈無寫日記, 我發覺原來我真係個幾懶0既人
又話減肥, 又話日日打日記... 結果大家有眼睇XD
呢幾日發生0左D好shocking 0既野,
我發覺我個desktop 除0左個mon 有死線 (唔係deadline, 係成條線咁死0左XD)
仲有個so call 朋友0既人原來講0左D咁shocking 0既野.
好啦... 可能學老公話齋,
人樣真係唔係問題, 問題在於一個人0既性格.
不過, 呢個人0既shocking 野又令我同阿邊個有更多好笑野:p
另, 有D人好八怪呀0下... 燥起黎真係爆粗鬧鬼你0架
有D野我覺得係時候我就會講比大家聽0架啦
日日問住都唔係路
終於pass 0左喇...
唉... 上次真失敗...
最騎呢就係學車0個陣個師傅問我上次係唔係真係肥0左佬= =
唔好玩啦. 唔肥我又做乜洗多咁多錢...
不過... 我仍然係未識分左邊同右邊... 我諗緊有個GPS 會幫到我多幾多...
雖然GPS 0既function 真係好attractive...
我一定唔會走失咁樣囉
呀~~~ 我好想要好可愛0個個dopod呀>口<
好似仲有GPS accessories 0架!
但係用爛牙0架woh... lily 又話唔好
都係咪喇... 問多D lily 先再諗先 (我打死唔要佢個2210 0架喇!)
D牙0岩0岩整完
真係好鬼痛... 好多野都食唔到...
嗚...
*今年我會有個OTZ的尋人節
08 二月, 2006 23:27
08 二月, 2006 22:39
0岩0岩同老公睇0左套都唔叫新上畫0既戲喇
叫Fun With Dick and Jane, 中文叫賊壇新人王
如果你係悶悶地或者有D down 0個陣去睇0下都不失為一個選擇0既
起碼, 我會覺得值得比0左出去0既錢都叫值
套戲就大概講話有條友無啦啦比大老細升0左做VP
之後開心到傻, 又整呢樣又買0個樣
點知原來係叫佢"咩" 獲
無0左份工, 點知老婆又resign 0左份野
又搵唔到食. 所以就走0左去做賊,
仲要係做一對好騎呢0既賊XD
之後就搵返大老細分哂佢貪返黎0既錢
睇完之後第一個感覺就係...
唔好學佢地做賊XD
因為做賊都好鬼辛苦, 又要幾好身手咁0既XD
不過套戲真係可以由頭笑到落尾囉
所以比錢入戲院笑都幾值得0既
我覺得最低B佢就係最尾搵返enron 0個間野出黎笑
套戲唔算太長
不過一開始就有少少無開頭咁囉
唔知呀... 可能美國片style?
我都幾受... 唔好太長篇, 好似死唔斷氣咁嘛
雖然唔算真係極度非常好睇
鍾意睇笑野, 又覺得港產片0個D笑位已經笑到唔想/識笑都可以睇睇
不過我覺得佢落完畫都快出VCD/DVD 喇
到時買碟睇都抵!
04 二月, 2006 21:13
呢幾日唔知點解見到有個newsgroup 好多人講一個都幾成日賣廣告0既過濾水機廣告...
睇黎睇去咪又係一個濾水器, 成萬蚊個我真係唔會買...
不過估唔到有人咁好心機寫哂成篇野出黎~
太勁了...
